Pekkle 圍裙 + 迷你計數機

之前係 blog 友可愛小 win win 既 blog 入面知道佢買到 Pekkle 大人圍裙，因為自己之前係深水埗都買過一條同 pattern 既圍裙，可惜只有小童 size，一路都想買番條大人 size〔雖然我唔入廚...〕儲齊佢，今日就咁橋比我係灣仔見到，梗係二話不說就買啦！

係灣仔除左買左呢條 Pekkle 圍裙之外，仲買埋呢個迷你計數機。其實好耐之前都已經見過，雖然之後我每次行過呢間精品店都見到佢，但係一路以黎都冇買到，直至有 blog 友話以比呢間精品店貴 20% 以上既價錢買左之後，個心就開始間唔中會唸下佢... 今日舊地重遊，又比我再見番佢，而佢既售價仲要再比之前平左十幾個 %，唔買都驚自己會後悔〔雖然我好大機會當年已經買左，只係唔知擺左係邊！〕，所以結果都係帶左佢番屋企....