Sunday, October 12, 2008

難以理解的執著...

趁今日星期六唔洗番工,又要出動搵鴨喇!個幾星期前,從 blog 友雪藍留言得知,我地一眾 Pekkle fans 等到頸都長埋,係 Gift Gate 2008 年 catalogue 中,最後一樣新推出既 Pekkle 精品 ---- 文件網袋,終於都出左喇!


係短短呢個幾星期,不論親身、打電話、托人代買.... 加加埋埋都應該有六、七次唸住到瓊華入貨,可惜次次都係失望而回,今日... 我再親身到美寶一趟,結果... 依然係令我失望既...


曾經有朋友話我,係某 d 事情上面,有著『難以理解的執著』既態度,本來我一向都唔會承認... 今日之後,真係唔到自己唔承認呢種『怪』性格... 成日流流長,我行過唔少精品店、文具店、百貨公司,其實都見到 Pekkle 呢個文件袋,唔知點解就係狠下心腸,見到都一樣唔肯買,似乎誓要到瓊華買不可... 其實我根本連美寶會賣幾錢都唔知,再加埋出去既車錢,可能比係 Gift Gate 買仲要貴,都唔明點解自己偏偏會咁執著... 就連自己都覺得有 d 迷茫...


買唔到文件袋,轉戰新之城,唸住整番個 Pekkle 水晶果凍蠟燭... 點知... 又再黎多一次空手而回.... 去到鋪頭時,係星期六下晝點幾兩點既時間,人流最多既時候竟然都冇開門?!唔係下化?



帶住失望既心情,行左去先達 3/F,記得之前係呢度見過有專賣絕版 Sanrio 精品既鋪頭... 天呀!又食閉門羹!!洗唔洗黑仔成咁呢?連中三元... 我... 係唔係應該去買六合彩呢?



唉.... 唔通.... 我同 Pekkle 既緣份已盡....


No comments:

Post a Comment