Sanrio characters 日版 A4 plastic folder

無意中喺 Gift Gate 發現嘅日版 plastic folder，雖然仍然係以 Sanrio characters 掛帥，不過難得係日本製，仲可以有 Pekkle 份，就算只係得小小一角，都已經好開心嫁喇！

呢個由 sun-star 發行嘅日版 plastic folder，有幾種款式，不過就只有兩款有 Pekkle 份...

第一款，全個白色，上面印有好多唔同嘅 Sanrio 卡通人物，所以就算唔係 Pekkle fans，只要你係鍾意 Sanrio character 嘅，相信都總會有一個係啱你心水嘅...

呢款白色 folder，前後兩頁都印咗 Pekkle，仲要係唔同款式嘅 Pekkle 嚟添呀！正~

驗明正身，folder 係出自日本文具生產商 sun-star...



如假包換，拎正 Sanrio license，只限日本發售，仲要係 "Made in Japan" 添... 可能呢期日圓匯價下跌，連個 folder 都特別平，真正日本貨，只係賣 $19，會員仲有折，我就覺得好抵買喇！





另外一款就係紅色透明 folder，都係出自 sun-star。而呢款 Pekkle 嘅公仔就印得大個 d、"四正" d，可惜只係得一面印有公仔...

草莓雜誌 - 2014 年 10 月號

最新一期草莓雜誌嘅主題係正式公佈 2014 年 Sanrio 最受歡迎卡通人物選舉結果，雖然一早都已經知道個賽果，不過都係忍唔住要買番份嚟留個紀錄...



 頭五名當然係企喺最前排啦！三十名不入嘅 Pekkle 就無緣做『Cover Boy』喇！


排名一覽表 -



Pekkle 今年只係得第 34 位.... 失望... =(





就係因為要留番個紀錄咁，反而令到我有個小小嘅意外收穫喎，今期雜誌嘅中間大頁竟然都會有 Pekkle 份喎！雖然 Pekkle 唔係企喺中間位置，所佔嘅地方亦唔算大，不過個人覺得都算係幾搶眼呃，好滿足嫁喇！^_^

Pekkle 2014 年最新日版系列精品 - 5 吋公仔吊飾

呢個約 5 吋高嘅公仔吊飾，做得都算係幾精緻，不過以價而論，就比之前兩款公仔貴咗少少囉。呢款吊飾公仔，就只係多咗條鍊作吊飾之用，公仔嘅 size 又細咗，反而都係一樣係要賣百幾蚊，好似有 d 唔抵咁囉...

呢個公仔雖然細個 d，短手短腳，反而感覺上又好似仲更加 cute 咗...  =P

而最緊要就係唔似得之前嗰款 8 吋大公仔咁歪左咀嘛，呢個吊飾公仔好『四正』，毛茸茸，摸落又軟綿綿，好舒服嫁...  真係令我愛不惜手... ^_^



同一個系列嘅精品，所以依然係同一款嘅 product tag...
 

Pekkle 2014 年最新日版系列精品 - 7 吋公仔儲物袋

顧名思義，呢個公仔儲物袋嘅造型，係同尋日介紹嘅 8 吋公仔一樣款，分別在於呢個係有條拉鍊，可以儲物，多咗一個實際用途，不過 Pekkle 嘅外形比例就怪怪地咁囉...  鵝蛋形嘅 Pekkle，再加上 Pekkle 嘅咀、手手腳腳、衣飾全部都係被縫咗喺個袋面，冇咗個立體感覺，比人有買咗翻版嘅感覺...



全個 Pekkle 只係得頭頂幾條頭髮同埋條尾巴係『立體』造型...



咁嘅袋款，又冇肩帶，唔知個袋可以裝 d 乜，不過個袋係夾棉，所以摸落係好軟熟、好舒服嫁...



同一系列，所以連個 product tag 都係一樣嘅...

Pekkle 2014 年最新日版系列精品 - 8 吋公仔

前幾日無意中喺 Gift Gate 發現 Pekkle 2014 年最新日版系列精品，其實之前喺征服世界嘅網站，都已經見過呢批精品出現喺『新貨介紹』，當時仲話可以接受預定添... 估唔到今次會比 Gift Gate 飲咗頭啖湯，快過征服世界番貨喎...咁難得，梗係要第一時間買啦！

呢個系列嘅精品，好似要將 Pekkle 變番個 BB 咁，用嘅料既舒服、又柔軟，而且用嘅顏色係以粉色為主，好柔和、好可愛呀...

呢個公仔個咀好似有少少歪咗咁，不過冇計啦，sales 姐姐話得番呢個，當你拎住呢個 Pekkle 公仔喺手時，真係會唔捨得放低佢嫁喎.... 所以，唯有好阿 Q 咁安慰自己，其實個個公仔應該都係咁上下，總有少少瑕疵嘅...

之前喺征服網站睇新貨介紹時，係未有實物嘅，只係得 d 草圖，而 d 草圖係將 Pekkle 畫到比呢張 product tag 上面印嘅 Pekkle 更加『圓潤』、更加『豐滿』.... 所以當日睇圖時，真係完全冇買嘅意欲，估唔到當有實物拎上手時，個感覺係咁正嫁！

 

今次呢個系列嘅精品 product tag，都好有心思咁印有『人物介紹』一欄〔其實我唔識日文，不過見到印咗 Pekkle 嘅生日日期，姑且當係人物介紹啦！=P〕...

仍然係中國製嘅日貨，依家要買到真正係 Made in Japan 嘅產品，已經唔係一件易事嚟喇！