2014 年日本 Sanrio 最受歡迎卡通人物選舉系列精品 - 啤牌

繼 2011 年之後，Sanrio 今年推出咗另外一款卡通人物啤牌。










個人覺得兩款啤牌，各有千秋....

我喜歡 2011 年嗰款嘅豪華鐵盒包裝，再加上每張啤牌兩面都係四色印刷，精美好多，但當然個價錢就相對地貴好多啦〔可能再加上當年嘅日圓兌換價都仲係處於高水平〕！而且 Pekkle 只係『袖珍版』咁印咗喺 Kerokerokeroppi 嘅紙牌上面，淪為一個大配角...

http://www.pekkle.hk/2011/12/sanrio.html

反之，今年推出嘅呢款啤牌，雖然只係以紙盒包裝，而啤牌嘅背面亦都只係用咗單色印刷，仲要冇 Pekkle 份添，不過就勝在夠哂平實，價錢亦相對地平好多。



雖然 Pekkle 只係出現喺紙盒側邊嘅位置，但係個『餡』就有意外驚喜喇！因為今年呢幅啤牌入面卡通人物特別多，基本上 52 隻另加 2 隻 Joker 都印有唔同嘅卡通人物，梗有一款啱你心水嘅！



而我，當然只係會留意有冇 Pekkle 份喇！雖然話就話 54 張牌都係唔同嘅卡通人物，但係 Sanrio 又點只得 54 位卡通人物呃？所以 Pekkle 都未必一定被選中嫁！

好好彩，今次 Pekkle 可以做『主角』，自己獨霸一張啤牌，真係好開心呀！

草莓雜誌 - 2014 年 8 月號

每個月 10 號都會慣性上去草莓雜誌嘅官方網站，主要都係想睇下嗰一期嘅贈品有冇 Pekkle 份！

而最新一期〔即係 7 月 10 號發行嘅 8 月號〕嘅封面係 Sanrio 最受歡迎卡通人物選舉為主題，而送嘅贈品都係以呢個系列為主題嘅手搖膠扇，我講得咁詳細，當然係因為有 Pekkle 份啦！^_^




手搖扇嘅正面係睇唔到有 Pekkle 份嫁，全靠上官方網站先睇到把扇嘅兩面，分別係印咗 d 咩公仔...

 

上網睇時，其實係細到睇唔清楚有冇 Pekkle 份，不過，既然把扇嘅主題係最受歡迎卡通人物選舉，咁就梗係有 Pekkle 份啦！唔執輸，立即打電話去征服留貨，留咗三本，結果都只係比到一本我，早知上期就訂定啦....

 

咁難得有 Pekkle 份，雖然 Pekkle 只係好 "細粒"，雖然最後都只係買到一本，不過好過冇啦，唔會捨得拎嚟用囉，仲要好好珍藏先得呀...

日本 Sanrio 2014 年最受歡迎卡通人物選舉 (Sanrio Character Ranking 2014) - 第一階段投票結果

雖然一早都已經有哂心理準備，但係當我知道第一階段投票個結果時，都係難免有 D 傷心...

Pekkle 喺 D 組只係排第九位，得 11,329 票，無緣進入第二階段...




而同組嘅頭四名依次序為：



頭四名都算係有名氣嘅卡通人物，所以就算係輸，都輸得心服口服。不過，排喺第五位至第八位嘅，真係有 D 陌生囉，估唔到 Pekkle 會輸埋比佢地呀！



另外四組可以進入第二階段嘅卡通人物分別為：

A 組



B 組



C 組



E 組



Pekkle 唔單只無緣進入第二階段選舉，根據公開咗嘅票數得知，佢今年嘅排名仲要跌至第 46 位，無理由嫁喎！點解個位置會一年比一年退步嫁？今年更加落到去中游位置，相信下年呢個選舉嘅宣傳單張，Pekkle 一定冇得再企喺中間位啦！=-=

2014 年日本 Sanrio 最受歡迎卡通人物選舉系列精品 - Memo pad

另外一款同系列嘅精品就係 memo pad，呢款 memo pad 都設計得好細心同精緻。就咁睇起上嚟，雖然只係窄窄長長嘅一張便條紙，但係當你將其中一格嘅便條紙撕出用嚟時，就會發覺張窄窄長長嘅便條紙，其實係可以摺疊成一個封套，咁便條紙上嘅內容就唔怕外洩啦！^_^

全本 Memo pad 一共有 100 名卡通人物〔正正就係全部嘅『候選佳麗』〕，每款卡通人物都會有五張同款嘅便條紙，即係每本 memo pad 共有 500 張便條紙，都幾抵嫁喎。



封面塊膠片上，都印咗 Pekkle 係上面嫁！

 
 

內頁嘅 Pekkle 便條紙係用咗我最愛嘅藍色。四色印刷呢邊就係用嚟寫內容嘅...

 

而單色呢邊就便條嘅封面，最下面大魚仔嘅位置就係用嚟寫名，而上面印咗 Pekkle 嘅位置係有個開口位，只要將張便條紙沿住線位對摺，就啱啱好可以攝入 Pekkle 位置下嘅開口位，形成一個小封套嘅模樣。好有心思，抵讚！

 

Memo pad 嘅底部印有『使用說明』，教埋你點樣將一張便條紙摺成一個封套嘅模樣，圖文並茂，唔洗驚唔識用啦！

 

呢款 memo pad 亦都係原裝日本貨，唔怪之得咁精緻又實用啦！唯一美中不足之處，就係佢地可能係用咗環保紙之類嘅紙張，所以喺顏色印刷方面，就冇咁鮮明、光亮囉！

 

2014 年日本 Sanrio 最受歡迎卡通人物選舉系列精品 - 貼紙

第二款登場嘅 2014 年日本 Sanrio 最受歡迎卡通人物選舉系列精品就係貼紙。

舊年都有推出過貼紙，不過上年係『海棉貼紙』，今年就係紙嘅。不過今年款貼紙嘅特別之處，就係一套有兩張唔同款嘅貼紙，感覺好抵呀！

睇起上嚟係唔係有 D 眼花撩亂呢？因為係有兩款唔同嘅貼紙，而面嗰張貼紙係透明膠嘅關係，令到底部張貼紙都反映到出嚟，所以就咁 "花碌碌" 囉...






包裝紙嘅底部，同上年款貼紙一樣，都係印哂相關企位卡通人物嘅名稱出嚟。



封面嗰張貼紙嘅 Pekkle，係著粉紅色衫，舉高手嘅造型。



而底部嗰張貼紙嘅 Pekkle，就係著粉藍色衫，大踏步嘅造型。



呢張貼紙係正宗日本製，好難得呀！