2013 年日本 Sanrio 最受歡迎卡通人物選舉系列精品 - 毛公仔

終於都有一款精品係 Pekkle 可以自己一個做哂主角，唔洗再同其他卡通人物分，比其他卡通人物搶哂鏡喇！

喺芸芸咁多位 Sanrio 卡通人物之中，就只有十七位卡通人物可以推出呢款約 6" 高嘅毛公仔，所以好高興 Pekkle 都能夠穩佔其中一席位~

2013 年日本 Sanrio 最受歡迎卡通人物選舉系列精品 - 日式茶杯

呢個日式陶瓷杯好有『質感』、好墜手、印製精美，誇張 d 講句，可以話係零瑕疵呀...

呢個杯一共印咗三十位卡通人物...

估唔到喺三十位卡通人物之中，都會有 Pekkle 份喎~~





zoom 近 d 先，Pekkle 係唔係印得好精美、零瑕疵？

2013 年日本 Sanrio 最受歡迎卡通人物選舉系列精品 - 購物袋

超值價嘅購物袋...

細袋 - 約 12" x 14"，只售 $35.5

大袋 - 約 18" x 20"，只售 $47.5

兩款袋嘅設計都係一樣嘅，購物袋其中一面嘅右下角縫咗一塊卡通人物人名牌... Pekkle 個名排係第三行最尾嗰個！

唔少得嘅就梗係 Pekkle "本人" 啦！雖然個名就排咁後，但係個樣就係正個袋中間位置喎，雖然唔夠 Kitty 大堆頭，不過有中間位企，都已經好正啦！！

2013 年日本 Sanrio 最受歡迎卡通人物選舉系列精品 - 便利貼集

事先聲明，我絕對唔係哈日族，不過個人覺得日本貨確係另舍唔同，設計精美，又有心思，睇下呢本便利貼集就已經可以証明得到啦...

便利貼集封面



封面上嘅 Pekkle

封底

封底嘅 Pekkle

"中間大頁" 係唔同 size 嘅便利貼

Pekkle 係一款最細 size 嘅長條形便利貼...

2013 年日本 Sanrio 最受歡迎卡通人物選舉系列精品 - 海棉貼紙

另外一件因應 Sanrio 最愛歡迎卡通人物選舉推出嘅精品 --- 海棉貼紙





其實上年都推出過一張大同小異嘅海棉貼紙，不過今年呢張貼紙就比較 "多功能" d...





所謂嘅多功能，就係喺貼紙背面做多咗 d "功夫" 咁囉... 首先，就係人物介紹，背面印有各卡通人物嘅排位同埋日本全名...






排第 85 號嘅就係 Pekkle 喇~


 

因為唔識睇日文，不過根據圖示，貼紙背面嘅下半部份，應該係可以剪出嚟做成一張 post card 嫁喎...

不過今年呢張貼紙嘅售價，比起上年嗰張足足上升咗 25%.... 加咗四份一嘅價錢，就算最近日圓貶值，似乎都係冇乜用咁喎...