2016 年 Pekkle 賀年精品 -- 揮春貼紙

原本睇 Manis 本聖誕 / 新年產品目錄，見到呢張賀年貼紙時都幾有期待，因為一心以為係可重複再貼嘅玻璃貼紙，原來只不過係一張普通嘅貼紙，仲要每張貼紙都係細得可憐.... 不過都係嗰句啦『總好過乜都冇』...

整張貼紙大概係 B4 size 左右，一共有超過四十個貼紙，咁我唸大家都略略估計得到每個貼紙會有幾大個啦？



呢個只係貼紙既 "heading"，本身並唔係一張可以撕出嚟嘅貼紙...   Pekkle 幾時同 XO friend 咗嘅呢？今年 Manis 嘅賀年產品，Pekkle 同 XO 經常都係『拍住上』，鴨仔同企鵝，幾時變得咁 friend？



第一款貼紙 -- 『蚊形』Pekkle 大頭圓形貼紙


 
第二款貼紙 -- 『迷你揮春形』年年有餘橫長方形貼紙


 
第三款貼紙 -- 『迷你揮春形』準時收工直長方形貼紙，呢個相信係所有打工仔夢寐以求嘅心願~

2016 年 Pekkle 賀年精品 -- 揮春

今年 Pekkle 只係推出咗兩款揮春，仲要係同之前款利是封係同一個系列，即係什錦公仔款，不過總好過乜都冇啦！

我嘅至愛 -- 身體健康 ^^



另外一款 -- 一團和氣



雖然兩款揮春嘅 pattern 係一樣，仲要係什錦公仔，不過 Pekkle 處於左上角位置，都算係佔盡地利，夠哂搶眼呃..  : )

2016 年 Pekkle 賀年精品 -- A2 年畫

以我所知，Pekkle 係從來都未出過賀年年畫，今次仲要係成 A2 size 咁大張，好犀利呀！

雖然係什錦公仔款，Pekkle 仲要係靠邊站添，不過喺我心目中，Pekkle 永遠都係『焦點所在』.... =D


 
睇吓著咗唐裝衫嘅 Pekkle 幾咁醒神，幾咁搶眼！

2016 年 Pekke 賀年精品 -- 利是封

2016 年 Pekke 賀年精品第一炮 -- 利是封

對於一個唔須要包利是嘅人嚟講，一口氣就買哂兩款利是封，每款仲要買咗兩疊，一共有成八疊利是封咁多，係唔係有啲失控呢？

無計啦！實在『餓』Pekkle『餓』得太耐喇...  ^^

7-11 x Sanrio characters Joy to the Word 2015 系列 - 第五週戰績 (30/12/2015 - 5/1/2016)

由於得到親朋好友嘅幫助，今個星期所儲嘅印花數目比上兩、三個星期稍稍多少少，不過仍然係未及第一個星期儲得多...

今個星期累計印花數目係 202 個，比上星期多咗 42 個。