Pekkle 2013 年床上用品

24/10/2013 - 28/10/2013 係 AEON 百貨會員購物吉日嘅日子，收到佢地 send 嚟嘅宣傳單張，"驚見" 雅芳婷今年再一次為 Pekkle 推出咗新系列嘅床上用品！會員喺吉日期間購買，仲會有照價九折嘅優惠，咁抵買，唔洗唸啦，星期六就即刻去咗 AEON 入貨！

今次 Pekkle 嘅造型係 "廚師 look"，戴住淺藍色嘅廚師帽、著上同色系嘅廚師服，再以淺黃色作為背景嘅底色，映得 Pekkle 好 sharp 醒喎~~

由於之後仲有其他地方要去，唔方便拎住咁多嘢，所以暫時都只係買咗單人床笠、枕袋套裝及被袋各一套。如無意外，我應該都會一如以往，再買多一套雙人床笠用嚟整多幾個枕袋，同埋買多一套單人床笠作收藏之用！

後記：之後再入貨，依家存貨係兩套單人床笠、一套雙人床笠加一個被袋...

數

2013 年日本 Sanrio 最受歡迎卡通人物選舉系列精品 - 八達通卡套

千呼萬喚始出來... 有睇開草莓雜誌 or 去開征服世界買嘢嘅一眾 pekkle fans，都應該有留意呢款精品其實喺幾個月前嘅草莓雜誌已經介紹過，而征服世界亦都接受預定咗幾個月，上星期終於都番咗貨 lu~

呢個係 2013 年日本 Sanrio Characters Ranking 系列嘅產品，其實個選舉都已經完咗差不多有三個月啦，唔知點解呢樣產品要拖到今時今日先推出市場呢？

拆包裝盒前

拆包裝盒睇得清楚 d...

正面，好經典嘅 Pekkle 造型...





卡套背面

隨卡套附送一條都幾墜手嘅吊鍊

中間位置啱啱好 "攝" 到一張八達通卡...





卡套背面印住大大個 "Sanrio 2013 Character Ranking" 字樣，無花無假... Pekkle 當然就係我心目中嘅 Number One 喇！

呢個八達通卡套成個都係硬膠做成，製作雖然好精美，奈何個 size 都幾大，而且都幾墜手，好似唔多實用咁囉，不過呢個產品應該係推出哂全部有份候選嘅 Sanrio 卡通人物，所以為咗支持 Pekkle，買個嚟儲下都唔錯嘅！

Pekkle 休閒服

呢套係 Pekkle 最新推出嘅秋冬季休閒服，其實所謂休閒服，咪即係睡衣囉~

一如以往，同一款 pattern 分別有睡裙同睡衣選擇，因為我唔打算買，不過又想通知其他 Pekkle fans 有新貨推出，所以都係百貨公司〝偷偷〞咁影咗張睡袍相比大家睇下，睡衣嘅 pattern 係一樣嘅，分別在於條睡褲係深藍色，而睡衣就係淺藍色嘅。

Pekkle 2014 年大掛曆

最後一款 Pekkle 2014 年年曆產品~

Pekkle 今次著住工人衭，化身為裝修工人... 似乎係裝修緊間樹屋咁喎...

封面同封底係有 "故事性" 嫁，之前 Pekkle 就好用心咁幫間樹屋油緊油，點知上上下色，成罐油就咁就由梯頂趺咗落地下，正正蓋住咗情敵阿 Carl 個頭呀！

一月至六月

七月至十二月





scan 似乎都係唔夠影相咁清楚，呢張附頁可以睇埋隨掛曆附上嘅公眾假期一覽表、2015 年年曆同埋 Pekkle 貼紙一張...

Pekkle 2014 年小掛曆

Pekkle 2014 年小掛曆超可愛呀！今次呢個『造型』夠哂新穎，係洗緊白白嘅 Pekkle 呀！之前肯定未出現過啦！幾有新鮮感~





一月





二月





三月





四月





五月





六月





七月





八月





九月





十月

十一月

十二月

少不了嘅 2014 年全年香港、中國、新加坡、馬來西亞同埋印尼嘅公眾假期一覽表、2015 年年曆，同埋年年都大同小異嘅 Pekkle 家族人物介紹。

彩色印刷、製作精美，只係十幾蚊一本嘅小掛曆，真係抵到爛啦！唔買就走寶喇！