Pekkle 2014 年大掛曆

最後一款 Pekkle 2014 年年曆產品~

Pekkle 今次著住工人衭，化身為裝修工人... 似乎係裝修緊間樹屋咁喎...

封面同封底係有 "故事性" 嫁，之前 Pekkle 就好用心咁幫間樹屋油緊油，點知上上下色，成罐油就咁就由梯頂趺咗落地下，正正蓋住咗情敵阿 Carl 個頭呀！

一月至六月

七月至十二月





scan 似乎都係唔夠影相咁清楚，呢張附頁可以睇埋隨掛曆附上嘅公眾假期一覽表、2015 年年曆同埋 Pekkle 貼紙一張...

Pekkle 2014 年小掛曆

Pekkle 2014 年小掛曆超可愛呀！今次呢個『造型』夠哂新穎，係洗緊白白嘅 Pekkle 呀！之前肯定未出現過啦！幾有新鮮感~





一月





二月





三月





四月





五月





六月





七月





八月





九月





十月

十一月

十二月

少不了嘅 2014 年全年香港、中國、新加坡、馬來西亞同埋印尼嘅公眾假期一覽表、2015 年年曆，同埋年年都大同小異嘅 Pekkle 家族人物介紹。

彩色印刷、製作精美，只係十幾蚊一本嘅小掛曆，真係抵到爛啦！唔買就走寶喇！

Pekkle 2014 年座檯月曆

著住套制服扮警察嘅 Pekkle，有埋 walkie，仲要貼滿哂 "通緝犯 - 鸚鵡仔" 嘅 poster，唔講以為 Pekkle 轉咗行做警察添！原本都幾威武嘅，可惜一支水槍就 "出賣" 咗 Pekkle 一身英明神武嘅打扮呢...

最近又懶又忙，冇再逐頁影喇，一次過 scan 咗就算喇！

一月至四月




五月至八月




九月至十二月




一次過，一月至十二月，影相效果可能仲清楚過 scan...

除左公眾假期一覽表同埋 2015 年年曆之外，仲有就係年年都會隨座檯月曆附上嘅 Pekkle 精美貼紙一張啦！

Pekkle 2014 年 Date book

2014 年嘅年曆、月曆產品已經相繼出爐，一如以往，無論幾咁鍾意都只會每款買一件，如果真係想買多幾件嘅話，我就會等到今年年尾至下年年頭，當 Gift Gate 割價清貨時先會再入貨囉....

今年 Date book 嘅主題係 "夾公仔機"，有 d 似年幾兩年前 Manis 出嘅款式喎，當年 Manis 用 "夾公仔機" 呢個設計都推出咗好多產品，包括 note pad、玻璃貼紙、有耳玻璃杯、眼鏡布等等，我全部都買齊，因為覺得個設計，無論係構圖同埋用色方面都好靚、好得意，成個系列我都好鍾意嫁！

相比之下，依家 Gift Gate 呢款，未免就有少少失色囉，而且感覺上好似有 d 炒設計之嫌囉...

Pekkle 卡片遊戲機

Pekkle 卡片遊戲機，係一份令我好驚喜又意外嘅禮物！

1991 年嘅出品... 雖然係中國製，不過都好精美嫁...





唔好以為 22 年前嘅產物就得個睇字喎，真係仲 function 到嫁！不過因為我唔單只有手腳、大腦唔協調症，而且對電子產品亦都係白痴一名，所以玩極最叻都只可以去到 level 2 就已經 Game Over...

除咗呢隻咁清楚嘅 Pekkle 之外〔Pekkle 會有唔同嘅 post 嫁〕，Pekkle 三位魚仔好友亦都會喺遊戲中出現... 以 22 年前嘅電子產品技術嚟講，都叫做有交代啦！

隨機附送英文、日文對照說明書一份。

雖然個盒已經好殘舊，仲有 d 污漬，但係呢個卡片遊戲機已經係 22 年前嘅出品，物主都仲可以保存到成套裝備，連說明書都完好無缺，而且部機又可以 function 得到，真係非常難得呀！仲要咁啱比我朋友 bid 到送比我，真係好開心呀！