老貓燒鬚之 Pekkle 三層 A4 文件夾

好靚嘅三層 Pekkle 文件夾，雖然公仔嘅造型就冇乜新意，但係大大個 Pekkle 印咗喺 folder 嘅正面同背面位置，又真係好 sharp、好得意喎！望到個 folder 都覺得好開心呀！

顏色又襯得好，Pekkle 望落真係好 sharp 醒嫁！

唯一美中不足嘅地方係又串錯咗 Pekkle 個名呀！Gift Gate 身為老大哥，估唔到佢都會有老貓燒鬚嘅一日.... 

間間 licensee 都係衰咗呢樣，之前 Trendyland 同埋 Manis 嘅出品，都試過幾次串錯咗 Pekkle 嘅全名，乜真係咁難記咩？咁難記不如就用番 Pekkle 咪算囉！反正 Pekkle 先係佢嘅正名，據我朋友所講，Ahiru 喺日文係解作『家鴨』 ，所以 Pekkle 應該先係佢嘅名嚟囉！ 

Pekkle 手搖膠扇

已經推出左一段時間既 Pekkle 手搖膠扇，不過因為太唔起眼嘅關係，去咗幾次 Gift Gate 買嘢都漏咗冇買到，今次終於都記得帶埋佢番屋企喇！

同上年出嗰把手搖扇一樣，我覺得個手柄位似乎係長咗 d... 不過之前有 Pekkle fans 又話啱啱好喎...

鴨仔都要學潛水...

Pekkle 家用水壺

Pekkle 家用水壺，形狀雖然就係怪左少少，不過難得有咁實用既『精品』，又點可以錯過？

今次個水壺係以綠色為主色，襯喺一向以藍色為主色既 Pekkle 身上，望落去又出奇地夾喎...

可存放 -13 度至 70 度水溫既飲料，如果可以盛載到 100 度就更加完美嘞！

2012 Sanrio 最受歡迎卡通人物海綿貼紙

無意之中比我係 Sanrio Gift Gate 見到呢張 "2012 Sanrio 最受歡迎卡通人物選舉" 海綿貼紙，咁難得日本版都有 Pekkle 份，點忍得手唔買？

我冇細心對過，不過應該就係齊哂 100 名有份角逐今年最受歡迎卡通人物既『候選人』。

好難得日本版精品，雖然都係中國製。

Pekkle 係就係細粒左 d，不過日本版喎，唔支持下又點得呢？

Pekkle 八達通套連頸繩

已經出左一段時間既『新產品』，因為冇乜新意，所以冇打算買，不過最後都因為有我最鍾意既藍色同埋 Pekkle outline 做 backdrop，結果都係買左...

Pekkle 既八達通卡套連頸繩，真係多到我都唔記得左自己買左幾多款，不過因為大堆頭 outline Pekkle 做 backdrop，死死地氣又買左...
  

比較少用既潦草英文字體...