Pekkle 証件套連掛頸繩

呢款掛頸証件套同之前既 Name Tag 係同一系列既，Pekkle 個頭一樣係可以三百六十度旋轉，分別在於多左個可以伸縮既扣連頸繩。

Pekkle PVC 証件套

唔知點解，Manis 今年出左好多 "變型 Pekkle" 既產品，我個人黎講就唔多受落，所以有幾樣野都冇買到...  而呢款 PVC 証件套既 Pekkle 就更加係不合比例地變哂型，當初睇 catalogue 時，其實都冇唸過會買，不過當見到現貨時，見佢價錢好平，而個顏色又幾靚，結果都係買左...

前幅 -- Pekkle 變哂型，慘不忍睹...

背面既構圖、顏色唔錯，我反而鍾意背面多過正面...

係同一個系列入面，有另一款公仔証件套比 Pekkle 更加吸引我，令我忍唔住都買埋呢款証件套。

其實 Pekkle 同 Tuxedo Sam 都有好多相類似既地方，除左用色之外，肥嘟嘟既身型都好相似，但呢款 Tuxedo Sam 証件套既造型就比 Pekkle 果款好好多，可能係因為用左全身，比例方面會較容易掌握得到，希望佢地會留意多 d 呢方面既問題啦！

 

Pekkle 八達通卡套

第一眼睇到呢款八達通卡套時，已經覺得有種好舒服既感覺，顏色柔和、構圖寫意，所以就算冇用，都買左兩個。

Ruby & Pekkle 18cm 短間尺

繼之前既單行簿同 擦膠，Ruby & Pekkle 又再『携手』上場既產品...

Pekkle 短袖短褲睡衣

呢款睡衣其實一早已經係征服世界見到，第一眼見到個 pattern 已經覺得好靚，不過賣成 $289 一套，自己齋儲又唔會著，所以唸左好耐都係冇買到... 咁岩星期日去行一田時，發現佢地又有呢套睡衣賣，仲要咁岩有 promotion 做緊正價八折，本來我已經好鍾意、好想買，依家無啦啦又慳到五十幾、六十蚊，梗係二話不說就買左啦！

前幅

後幅

我覺得唯一 "敗筆" 既地方就係配短褲囉。如果係配長褲既話，我唸我已經買左兩套，一套儲、一套著 lu...

正牌 Sanrio Kiosk 既出品。100% 棉，呢隻料好靚，摸上手係好舒服、好涼爽既感覺，我唸係好岩夏天著.... 可惜係短褲黎啦！