同朋友約好係 2008 年 1 月 1 日到元朗一遊..... 係呀！你地無睇錯呀！係元朗呀！對於我呢個半世人都係住係市區既人黎講，要去元朗真係要預先計劃一下嫁！
大胃王既我，主力都係想入去食野，所以一早已經計劃好要去食 d 咩，滿心歡喜咁等待元旦日既來臨！雖然大除夕我凌晨四、五點先訓，但當日九點鐘就起身，準備往元朗出發..... 
因為食完早餐先入元朗，加上時間又尚早既關係，所以仲未有胃口食野住，唸住閒逛一陣先開始我既〝搵食路線〞..... 點知，世事往往就係咁事與願違嫁勒！最衰我唔記得左自己，除左鍾意食之外，仲好鍾意行街，係正牌既〝躝街王〞..... 結果因為掛住周圍行既關係，原定既美食團行程就咁就泡湯左.....
唯一一樣係計劃之內做到既事，就係入左去流浮山一轉，記得 n 咁多年前，流浮山假日會有好多排檔，都係 d 即場炭燒海鮮既檔口，就連蠔仔粥、煎蠔餅都有得食嫁！不過近幾年，去過幾次都撲個空，究竟依家係唔係唔會再有呢 d 排檔既呢
唔知有冇人可以解答到我呢個問題呢？
大家估唔估到，呢 d 係咩黎呢？高過一個人嫁.....
係唔係睇唔清楚呢？ zoom 埋 d，比大家再睇清楚..... 無錯啦！就係蠔殼呀！係人都知，流浮山最出名既就係蠔啦！
睇完蠔殼，就梗係要睇埋最值錢既餡 ----- 蠔啦！當日都有好幾位海鮮檔既『姐姐』係度取蠔，大家見到地下一堆堆好似泥漿既物體，咪就係未清理既蠔囉！呢度只係冰山一角，係唔係好壯觀呢？
呢 d 一排排既，就係由新鮮蠔生哂成蠔豉既情況勒..... 
行左一陣，當然最終都係搵唔到 n 年前幫襯過既燒烤排檔啦！只見沿路有三、四檔既炸生蠔、炸鮮魷、豆腐花既檔口...... 雖然有少許失望，不過都係意料中事.....
大約兩點幾，係時候搵午飯食，就去左最近巴士站既歡樂海鮮酒家食，呢間就係經雜誌多次介紹既少年廚神 ---- 劉嘉麟〔人稱阿 B〕 既菜館！呢次已經係第二次黎，並唔係因為慕少年廚神之名而來，而係為左上次黎食過，回味無窮既〝辣酒煮花螺〞勒！記得呢度 d 花螺雖然只係 XS 既 size，不過就好鮮甜，食過翻尋味...... 可惜..... 可能回憶總係最美好的！總覺得今次唔夠上次好食，唔多唔少都有 d 失望..... 
除左花螺，入到黎流浮山，又點可以唔食蠔呢？因為我唔食生蠔既，所以就叫左個香煎金蠔，好彩呢個金蠔，都尚算 keep 得住上次黎食既水準..... 
呢隻金蠔話哂都大過隻匙更嫁，算有交待啦！
飽餐一頓，唸住買番上次見到果個幫襯過既『姐姐』自家製茶果檔，點知遍尋不果！明明黎到流浮山時，仲見佢擺緊檔，食完飯出黎，已經唔見左佢，真係可惜！食唔番佢親手整，皮薄餡靚既紅豆茶果喇..... 好失望呀！
總括黎講，今次元朗一日遊真係失敗！食唔到我最想食既紅豆茶果同流浮山既燒烤排檔，其次就係食唔到嘉麗園既泰國通菜、勝利既牛丸、永年既蘿蔔 & 魚蛋、b 仔既腸粉 & 大菜糕，仲有太多太多喇.... 
唔，睇黎又要計劃一下，去多次元朗食番哂我食唔到既野先得！！
