同往年一樣,推出咗兩款 A3 嘅賀年年畫。兩款都有 Pekkle 份喎!
其實呢兩款年畫就冇乜設計、心思可言,感覺上都好 hea 咁,求其將數款卡通人物堆埋一齊就算。不過如果一定要我揀,我就比較鍾意上面 Pekkle 著住綠色唐裝衫嗰款囉。
利是封,都係雜錦公仔,仲要鬼鬼祟祟咁『匿』埋喺利是封底,如果唔係咁啱多手翻開後面去睇,都唔知原來係有 Pekkle 份。點解唔將 Pekkle 擺喺正面呀?
仲有一款雜錦公仔紅色嘅利是封...
唔知 Gift Gate 係唔係『參考』咗 Manis,今年佢地都推出咗揮春貼紙... 不過 Gift Gate 嘅貼紙就比較大張,唔會好似 Manis 嗰款咁『迷你』囉...
整張貼紙就只有兩款有 Pekkle。貼紙嘅款式正正就係 A3 年畫嘅設計。
今年 Gift Gate 係一款 Pekkle 獨立嘅賀年產品都冇,全部都係出現喺鬼 Sanrio Characters 嘅產品上,好失望囉...
No comments:
Post a Comment