:Chocoolate 十周年企劃 x Sanrio characters 系列

:Chocoolate 十周年企劃 x Sanrio characters 系列嘅衫，首日開售為 16/12/2016〔星期五〕，由於要番工，仲要只限尖沙咀 The One 分店，所以一早都已經唸定等 17/12/2016〔星期六〕，全線 :Chocoolate 分店公開發售先買。不過 16/12 嗰日已經好緊張，喺辦公時間都偷偷地上咗幾次 :Chocoolate 嘅官方 FB 睇情況，發覺都幾『人山人海』，仲要排隊買，為免買唔到，所以星期五已經打定電話去分店 check 下星期六幾點開門，接電話嘅少女答我開 11:00，結果我尋日上晝 10:15 都未夠就到咗，驚死要排隊，但係去到分店門口時，見鬼影都冇隻，所以就去食個早餐先，10:50 左右番到去，見到已經有個人企咗喺門口等，仲以為開始排隊，後來先知原來喺 :Chocoolate 等番工嘅員工，等到過咗 11:00 都唔覺有開門嘅意欲，先發現原來間分店係開 11:30... 激死，早知唔洗咁早嚟啦，浪費咗我嘅時間...

呢個系列嘅服裝，有分男、女及童裝，部份款式只限女裝、童裝發售，所以除咗必買嘅女裝 Pekkle 短袖 tee 之外，我主力都只係買男裝款式。



男裝黑色衛衣。其實仲有一款係以今次聯乘企劃嘅蛋糕主題作藍本嘅衛衣，都幾靚嫁，可惜就只有女／童裝款啦。



男裝黑色短袖 tee




我覺得咁多件衫，最靚係呢件... =D

 




 

唯一一款 Pekkle 單人服飾，雖然都只係得女裝，但係 Pekkle『單飛』喎，又點可以唔買嚟支持下呀？

 

 

:Chocoolate 十周年產品目錄，有 Pekkle 喺度，我又點會錯過呢？

 

喺 :Chocoolate 買咗幾件衫，拎番嘅贈品仲多過買嘅嘢呀~

店員話買滿 $700 送頭飾，$1,000 送 Kerokerokeroppi 暖手 cushion，我買咗千幾蚊，唔夠錢送哂兩款，只可以二揀一，可惜冇 Pekkle 贈品，所以結果拎咗呢款頭飾，純粹因為慳地方、易收藏，又實用。

 

今次主題嘅貼紙。有 Pekkle 嘅贈品呀！真係好想好想好想叫佢比多幾張我儲，非賣品嘛，好難得... 不過好似好貪心咁，所以最後都係冇開口...

:Chocoolate 自家品牌 x 維他命水〔紅桑子蘋果味〕，有啲怪，唔敢飲... =P
 

 

:Chocoolate 膠袋仔一個

 

 

:Chocoolate 紀念版朱古力波，包裝聲稱係韓國製造。

 

 

同場加影 -  店舖擺設

 

又估唔到今次冇乜主題佈置，起碼我去咗幾間 :Chocoolate，都唔係間間都有佈置，就算有，都只係集中喺櫥窗位置，舖內可以話係零佈置，真係有少少失望囉...

 

銅鑼灣希慎

 

 

荃灣廣場