因為 Pekkle 嘅關係，搞到我時不時就上網 search 下呢個聯乘計劃嘅詳情，知道呢個系列嘅上架首日日期係 16/12/2016，首日只限於尖沙咀 The One 嘅 :Chocoolate 分店有售，其餘分店就係 17/12/2016〔星期六〕先正式公開發售。
相信係為咗配合宣傳攻勢，16/12/2016 出版嘅第 577 期 U-magazine 特別版〔其實星期四已經有得賣〕，隨書附送 :Chocoolate x Sanrio characters 旅行收納袋，由於係非賣品，仲要係有好多一線 Sanrio 公仔，所以我都好擔心買唔到書。星期四一朝早已經去到七仔，點知佢話仲未番貨，冒住番工遲到嘅危險，終於都比我等到七仔番書，二話不說，梗係即刻比錢拎書走人啦！
由於之前驚死自己會買唔到，一早叫定朋友見到就即刻幫我買，結果我係買到三本特別版囉。
由於趕住番工嘅關係，匆忙之中並冇乜留意原來印喺個袋上面嘅公仔係會分別嫁。由於印花布料剪裁關係，一個袋係有機會最多出現四個完整 Pekkle 嘅公仔。好彩我嗰三個袋之中，都有一個係有四個完整嘅 Pekkle，另外兩個袋就有三個半 Pekkle。
正面出現嘅第一個 Pekkle
第二、三個 Pekkle 就出現喺袋側嘅位置，一個印喺頂部，而另外一個就印咗喺靠底部嘅位置。
至於第四個 Pekkle，就出現喺袋嘅背部，呢個就係『關鍵』嘅第四個，如果剪裁得宜，就會出現以下呢個完整版嘅 Pekkle，否則，Pekkle 就會『慘被』削頭、削身，剩番一少部份嘅 Pekkle。
旅行收納袋間格同一般收納袋無異，純粹都係為咗印喺袋上面嘅 Pekkle 嫁咋！^^
No comments:
Post a Comment