日本 Sanrio 2013 年最受歡迎卡通人物選舉 - 中期報告

今日係日本 Sanrio 2013 年最受歡迎卡通人物選舉中期報告公佈嘅大日子，點可以唔留意呀？唔知係唔係因為有太多人同一時間上網 check 報告，所以搞到 "交通擠塞"，好唔容易先去到個網頁...

第一時間梗係要睇下 Pekkle 排名啦！我都唔敢貪心，知道頭十位應該都冇乜可能有 Pekkle 份....


點知再睇第 11 - 20 位，都仲係冇 Pekkle 喎...





唔通今年連三十位都入唔到...

"好彩".... 終於都見到 Pekkle 喇...

又係第 26 位喎，有冇咁橋呀？票數暫時為 3,271，好似少咗 d 咁喎...





正如我上年所言，越嚟越發覺呢個選擇係『黑箱作業』囉... 因為今年頭十位嘅排名，大家姐 Hello Kitty 都只係得第 5 位，反而上年排第 93、94 嘅 Fukuchan、Turfy 呢兩個名不經傳嘅公仔，今年竟然大幅攀升近九十位，去到第 6、7 位... 好離奇囉！真係好有 "造馬" 嘅感覺呀... 唔通以後真係要放棄呢個選舉？但係如果連我呢類 fans 都唔支持嘅話，Pekkle 以後嘅排名，係唔係會跌到去包尾位置呢？