Pekkle 壓縮毛巾

尋日行經地鐵商場，無意中發現飾櫃有 Pekkle 嘅壓縮毛巾換購，之前又未見過，當然就急不及待去換啦！





好彩一向都有儲開日日賞積分，即刻去 counter 唸住換兩件，點知佢話只係剩番飾櫃入面嗰件，一件都照殺... 其實剩番最後一件，就更加要換埋佢啦...





換咗番嚟，第一時間就 check 下係邊間公司嘅產品，原來係 Grand Smart，咁即係好大機會 Trendyland 會有得賣啦！





拿拿聲就走去咗商場嘅 Trendyland 睇下，又真係見到有呢條毛巾喎，原價 $59，現特價 $22 一條，梗係即時買多一條啦！







毛巾打開之後就係咁嘅樣，都幾靚嫁，size 尚算適中。最近天氣咁熱，帶埋佢出街，啱哂用嚟抺汗啦~~





連 product tag 都印有 Pekkle 嘅全名。





拆開咗條毛巾之後，剩番兩塊 Pekkle 頭型卡紙。呢張卡紙都幾精緻，對於 Pekkle fans 嚟講，呢張小小卡紙都絕對有收藏價值嫁！