Sanrio 50th Crystal Charms - No. 3 Ahiru No Pekkle

多謝 blog 友愛麗生報料，眾裡尋 "鴨" 千百度..... 終於都比我買到佢喇！

每個人既價值觀都唔同，其實我一向都好反對 "炒賣" 呢 d 風氣，奈何.... 比 7-11 "折騰" 左兩星期之後，都不得不向現實 "低頭".... 一收到 blog 友既報料，已經忍唔住去探路，初初由地庫開始行，行左三層都搵唔到，估唔到 "寶物" 確係沉歸底，行到去頂層，終於都比我見到佢喇！超開心呀！

雖然影到反哂光，不過背面刻有 Pekkle 既全名同出產年份，點可以唔影低留念呀？

過去兩星期係 7-11 亂買野既錢，再加埋加錢換吊飾既錢，呢個現貨既價值相比之下，個人覺得實在係抵！！依家已經有一個 Pekkle 係手，起碼叫做安左自己個心先。雖然我決定唔會儲齊全套，但並唔代表我會停止唔再換，因為仍然希望可以儲到多個 Pekkle嫁！所以有緣睇到呢篇 blog 既朋友，如果你地抽到 Pekkle 而又唔要既話，非常歡迎你同我交換嫁！！真正既多多益善、少少無拘！！