尋日行過 Gift Gate，又見到有新 catalogue 出左喇！雖然大部份貨品係征服世界掛出黎比人睇既 catalogue 都見過，不過呢本 catalogue 印刷咁精美，仲係 50 周年既聖誕版添！仍然係飛天造型既 Pekkle，今次由原本既右上角，飛左去左上角，服飾都換埋，頭戴聖誕帽，身穿今年推出既音樂公仔綠衫紅呔既造型，梗係要拎番本留念啦！
30 吋特大毛毛公仔，比起之前出既 18吋更大，之前買左或見過大果隻 Pekkle 既話，應該可以想像呢隻 30吋既大公仔會有幾大隻喇！
已經買左既夾棉袋系列，一套四個 size。
銀包 / 散紙包，環保袋。
廚房系列 -- 大、細保溫杯、碗、匙更〔兩款〕、圍裙、隔熱手套、牙籤筒，岩哂一眾已婚或自己住既 Pekkle fans 選用！！
已經推出既浴簾 & 浴帽。尚未推出既毛毛拖鞋〔兩款〕，布拖鞋一款，仲有魚仔做掛鉤既抺手巾添！
今年岩岩先推出左兩款膠錶，黎緊又再會推出兩款皮帶錶，佢聲稱係真皮喎！
農曆新年系列
好得意既新春燈籠貼紙同埋出入平安地毯，唔知呢兩樣野個 size 係點既呢？
Pekkle 揮春雖然只得三款，不過 Pekkle 利是封就有齊 5 款！已婚既 Pekkle fans 今年大把利是封可以揀喇！
Pekkle 咁樣密集式推出新貨法，睇黎我 d 血會一直長流到出年 2011 年，冇雙糧既我，希望到時會有多 d 人封 Pekkle 利是比我幫補一下啦！
No comments:
Post a Comment