Manis Christmas catalogue 2010

Gift Gate 岩岩先印製好聖誕節產品目錄，估唔到連 Manis 亦都不甘後人，今日經過專門店見到有得免費派發，梗係第一時間拎黎睇下啦！發現左好多係征服世界既 catalogue 都未見過既 Pekkle products，當中仲有意外驚喜添！！

已經推出既產品：特大瓷杯連矽膠杯蓋。

尚未推出既產品：左下角既碗筷禮盒裝，呢個碗冇 Gift Gate 果個咁大個，好似更實用，再加上有埋筷子，好正呀！超期待貨品！！

已經推出既產品：頭形 cushion 及手袋形暖手包。

尚未推出既產品：左上角既公仔電話座，同埋右上角既畢業公仔。

已經推出既產品：過膠袋系列 -- 銀包、筆袋及手挽袋。

尚未推出既產品：左上角既電話繩套裝，同埋係上面中間位置超得意既公仔造型書簽。

已經推出既產品：右上角既電話套連頸繩。

尚未推出既產品：左下角既 "仿麖皮" 內裡小袋，同埋右下角既公仔按摩鎚，呢個按摩鎚好搞鬼，唔知個效果得唔得既呢？

登登登.....壓軸新貨：投射器鎖匙扣，標榜可以投射不同公仔影像，好想知道投射出黎既 Pekkle 影像會係咩樣？我唸我買左之後，會忍唔住成日按個影像出黎睇都似！個設計又靚喎！超 cool 呀！

再加上呢 d 匙扣比起匙套更實用，好似最近係 7-11 買到同數年推出過既匙套，都係 Trendyland 既出品，本來個 design 幾好既，可惜佢冇考慮過依家 d 門匙，唔會再好似十幾廿年前果 d 鎖匙咁細條啦！因為個匙套太細，根本都唔夠大套住 d 鎖匙，即係得物無所用！但係呢個匙扣就唔同，無論 d 鎖匙係咩 size、咩款式都岩用，就算唔係用黎扣鎖匙，當係吊飾都一樣 ok！正！推出後一定會起碼掃幾個，留番慢慢用！！