東港城 Taste

以我咁鍾意食野既人黎講，有新超級市場開幕，仲要係號稱全港至大嫁喎，又點可以唔去行下呃？

 

Taste 位處於將軍澳既東港城商場，即係以前吉之島既位置，都已經好耐冇去過 lu，今次舊地重遊，算係有一番新景象既.....  Taste 既門口都幾大，不過一下就比呢間係正入口處既〝森之卷〞吸引左埋去....

.

睇雜誌介紹得知，呢間日式蛋糕店特別從日本獨家引入全港唯一一部專用既烘焙機，每日新鮮製造日式年輪蛋糕.....

大家見唔見到後面都有一條朱古力色既蛋糕呀？等我仲滿心歡喜以為有朱古力味既蛋糕添呀.... 點知原來都唔係黎既.....失望！

咁饞嘴既我，再加上山長水遠咁黎到將軍澳，又點可以唔買番個試下呢？

我數過呢個蛋糕一共有十五圈嫁〔不過雜誌話有三十幾圈喎...可能我只係數到最明顯既圈卦？〕！都唔算馬虎喇，雖然質地比較『結實』，不過就好香楓蜜味囉，以咁既價錢，都食得過既....

 

至於間 Taste，冇乜野好講，同一般超市冇乜分別，比想像中差左少少，唔見得有大到行唔哂既感覺，同百佳超級廣場差不多，而個格局就有 d 似杏花村既百佳超級廣場，又係有家庭電器、廚房用具、浴室用品、床上用品呢 d 野賣，個人感覺上，杏花新城或東薈城果間，好似仲要大過呢間添.....