我呢個朱古力癡，尋晚終於都食到位於東港城 Taste - 森之卷既朱古力味年輪蛋糕喇.... 佢仲要好巴閉咁標明係〝情人節限量版〞... 唔係一定要情人節先食得下化？
既然佢地咁有〝心〞起左個咁〝特別〞既名堂比佢，就當然係要與別不同一 d 嫁啦.... 個價錢.....
細個裝，原味 $36，朱古力味 $42，就等我細心〝研究〞一下，睇下呢六蚊貴左係邊先！
外在：無分別
蛋糕包裝：無分別
內在：無分別
口感：無分別
味道：以我呢個朱古力怪魔黎講，佢只有淡淡既朱古力味道，再加上佢連原味果種獨特既香甜楓蜜味都欠奉，所以我會寧願選擇食番原味囉.....
總括黎講，呢六蚊.... 個人認為係用左落個〝情人節限定〞呢個名號上面囉.... 
No comments:
Post a Comment