Pekkle 榮登日本 Sanrio 最受歡迎卡通人物選舉香港區嘅冠軍!好彩日本 Sanrio 總公司今年改變公佈投票結果嘅方式,除咗列出日本區嘅所有排名之外,仲首次公佈埋海外唔同地區嘅頭三甲位置。就係咁,Pekkle 終於都可以威番次,榮登『國際舞台』,令到世界各地關注呢個投票嘅人士,都可以透過呢次報告,認識到 Pekkle!真係好開心呀!:)
香港 Sanrio 呢個 Pekkle 冠軍造型實在係無懈可擊,太靚太型仔喇,連支權杖都係 Pekkle 其中一位嘅 best friend Pitchi 魚仔!呢次係我第一次覺得香港嘅設計比日本更優勝!如果香港 Sanrio 就住呢個設計推出一系列精品就正喇!唸起都流哂口水呀!^^
![](https://blogger.googleusercontent.com/img/b/R29vZ2xl/AVvXsEhMnYCTGWOaeYRCXUc2g3pHcsLcyT1ELl2LxXSrvcjrQuFaKEqqPz5haCWMKg35DZCgWE1GUgiog5NY7IsQJPMxZywEoRSbV6G7GHO4dVkJ68fF-VHFI0D_DBhdW57W5zlk1l99AUM7SxgR/s320/Sanrio+ranking+2018+-+1.jpg)
日本 Sanrio 最受歡迎卡通人物選舉頭三甲位置,而總投票數目則為 4,840,060 票,比去年嘅 4,399,291 票提升咗 10%。
![](https://blogger.googleusercontent.com/img/b/R29vZ2xl/AVvXsEjra47oXlGntCGxHheaAP3I1h6sWS_7vIbkywrmFCWz3CJZWCnk8oC49rUrhmnB9xpYWeD72rK2ePeR2fL19pp6hvj9jbK1Z0w82mnhXTSqtINU39HABMI3n5z_KfAa7sdknRmi45dDltAb/s320/Sanrio+ranking+2018+-+3.jpg)
![](https://blogger.googleusercontent.com/img/b/R29vZ2xl/AVvXsEiN5HqksEoU_Gm0nqSt_JLOn-CqhoZJc7ZU8rR1buyvuTE4dIFNqRwqQ3R2hyg8q-KRYkGIOLGOPY8qK7StjZPng7legWzXmzSjhHY0TAOvPHE-dhgLDxsFV5zD_xc7Dpsp0mXQ0xOXAS75/s320/Sanrio+ranking+2018+-+4.jpg)
Pekkle 今年喺日本 Sanrio 選舉排名為第 24 位,比上年嘅第 34 名,躍升咗十名,好叻仔呀!
![](https://blogger.googleusercontent.com/img/b/R29vZ2xl/AVvXsEj3djwIyeX96C8wdeYwlFUC9K5Ac0CSxDvXPO1FQhvocvhIqdu69YzEpjtvnAD5n4sGWToRIjK92s_DKfdbRzU5k_osotRi_N8Vygjzl8iA5GnLbk5nkXfRC11ah20RVbTMqjmx6LUyIuL8/s320/Sanrio+ranking+2018+-+8.jpg)
![](https://blogger.googleusercontent.com/img/b/R29vZ2xl/AVvXsEgDcvWLOfiMeDk6fjqGTmz5qp344L_QH5WjzSnhW323_wolTd5beoUmi60hKiIK7E-eGuKEF1c3d4K7BzrZk0jUBrvZqY74tqrvIKZd41u9TVbdelcUYB2ruGFk_rZLS0ObynI4F2g41HgA/s320/Sanrio+ranking+2018+-+7.jpg)
今年首次公佈埋海外賽果。
![](https://blogger.googleusercontent.com/img/b/R29vZ2xl/AVvXsEjfIi4xmcM7SheTCnLLu7CH9yJRJz4d1CvTdBJcJtJZZ76iXvmSSyK8cvfOqnrvJ4e6deDUtxxFfRE59N0eVF-ow5JVs8cpPP1_eEOKx8M9NFdIb7en93S0Wi7w3Zzkwo1IpGva4EaWqK_Z/s320/Sanrio+ranking+2018+-+5.jpg)
香港區頭三甲
![](https://blogger.googleusercontent.com/img/b/R29vZ2xl/AVvXsEhUn9Ot9nfJW1GtnFWugKoj8r-BKMvPLVgxqFjuTnZgYgMy12gbC2qVbaeZhWvFFAZaeE6sPtDRQF5CsbllbL1y0AEJXucio7an98c8mlxPteKAs2llUejRd5yq2HMsZ8SI2nCno5GW6CYW/s320/Sanrio+ranking+2018+-+6.jpg)
呢個就係日本公佈結果時 Pekkle 喺香港區冠軍嘅造型,香港 Sanrio 個設計係咪比呢個日本區嘅造型靚足幾條街呀?!
![](https://blogger.googleusercontent.com/img/b/R29vZ2xl/AVvXsEjydlfr7FyQkvahxtTdBAHtFJ7rWrIiBtz4RtFPHasfWIq_9XdGTl1kKzA-U5xisaxfy8Pzy2LsBx8PFkDRmvoRbFrjPX6wmJTonpPMFt8WLMdbDd77eM8WcjEynxIta8lVUUrsAAnqQ9GN/s320/Sanrio+ranking+2018+-+2.jpg)
根據香港 Sanrio facebook 嘅資料顯示,2018 年香港區嘅頭十名排名分別係 -
冠軍 - Pekkle
亞軍 - 蛋黃哥
季軍 - 布甸狗
殿軍 - 玉桂狗
第五名 - Pochacco
第六名 - Kuromi
第七名 - My Melody
第八名 - Hello Kitty
第九名 - Little Twin Stars
第十名 - Bad Badtz-Maru (XO)
呢個排名令到好多唔同 Sanrio characters fans 喺 facebook 牽起咗一場『紛爭』... 其實我唔係好明,觀乎香港 Sanrio 過去幾年都冇幫 Pekkle 推出過任何新產品,就可以知道香港 Sanrio 其實都冇乜重視過 Pekkle,絕對唔存在偏幫 Pekkle 嘅成份... 即係話,呢個投票絕對係公開咁比所有人投票,不設性別、年齡、投票次數限制,而到專門店購物滿 $150,亦都可以為心愛嘅卡通人物投下神聖嘅一票。換句話說,Pekkle fans 為咗所愛嘅 Pekkle 都付出咗好大嘅努力,先可以勇奪到今年度嘅冠軍寶座,點解其他人仲要話 Pekkle fans 種票呢?香港 Sanrio 又冇配額制度,並唔係每日都設有投票上限,既然係咁,我地 Pekkle fans 都只係跟住個遊戲規則去為心愛嘅 Pekkle投票,估唔到明明係一件開心嘅事,會演變成比其他 Sanrio characters fans 喺 Sanrio facebook『公審』嘅壞事囉...
公乜鬼野審吖,嚟嚟去去都係得嗰條瘋婦9up,無需理會啦!
ReplyDelete其實我唔係好知你指緊邊個...hahaha
DeletePekkle 拎左第一出左紀念版公仔呀, 樓主應該都訂左啦?!
ReplyDelete其實一向都唔係太喜歡儲立體公仔嫁,一來多數都好『失真』,唔夠得意,二來好阻地方... 所以我一路都係心大心細,唔知訂唔訂好,結果喺 last minute 心中嘅『魔鬼』都係戰勝咗個『天使』,忍唔住訂咗... :p
Delete