從來都未見過 Sanrio Gift Gate 為 Pekkle 做過主題推廣,可能見 Pekkle 今年氣勢強勁,所以就趁住 Pekkle 生日呢個日子搞咗個推廣活動,只要喺 Sanrio Gift Gate 購物滿 $50,就可以免費獲得精美嘅 Pekkle 貼紙一張。
![](https://blogger.googleusercontent.com/img/b/R29vZ2xl/AVvXsEhYN5H7dg_uZ5CVoBqGnYE8AdlLoSN4kSfxx3DDZEpZNx5Vz5gSHXMwaxECBht0vSE9IkYArlnPqbYCiJw3CGDM9rpH6TTcF-wj0wLpqh5Uvag4GwL1qejAEMR7zf2nupt2BWuYjha7tAdq/s320/20180729_113350.jpg)
張貼紙真係靚到無法形容,唔買簡直就係對唔住自己、對唔住 Pekkle...
![](https://blogger.googleusercontent.com/img/b/R29vZ2xl/AVvXsEjT2vbxAneDtdRsQZDpOynkwDmP_C_gxoEDiJsnQ49WwYQW1z-tibgvsRtzEU9WBO_WKEFwVT5Ot0Ly6urpX1ZvncQJeP3jj2-SOATq5GffozI5b_ANmyNprEq9hzJ5qOCoIKMPpJlVHWR6/s320/20180730_020959.jpg)
一如以往,逢係有 Pekkle 新產品推出,實會引起一場『爭奪戰』。不過我一向都唔會太過強求,買得到固然好,就算買唔到,都絕對唔會以天價去搶購,以免助長牟取暴利嘅歪風囉... 今次啲貼紙咁靚,我唔會再『隨心』,一定要買得到... 不過咁,我都只係會用自己嘅能力去『爭取』... 結果我用咗三日時間,去咗超過五、六間 Gift Gate,先可以儲得到六張貼紙,實在太開心喇!
![](https://blogger.googleusercontent.com/img/b/R29vZ2xl/AVvXsEhJ_-W0seNU_S6rJ-vQWy7cUZiWXObIuKQ8YuZjTUYm0bEPkytt8D_CMm0eIwXpxNr4tWnx8Ay4D3aWsSHcfAcDpfBXh1SwZQzcjKQySEbpy8tP9FLj7M_z505n-vMLG_wDZK-neqypuz-F/s320/20180730_020900.jpg)
好彩呢次購物消費,並唔限於一定要買 Pekkle 嘅產品先可以獲贈貼紙。否則,以依家 Sanrio Gift Gate 少得可憐嘅 Pekkle 產品嚟睇,要擁有一張 Pekkle 貼紙都唔係一件易事!
No comments:
Post a Comment