Monday, November 15, 2010

Manis 2010 Pekkle 新貨

唔知係唔係聖誕將至既關係,Pekkle 既新貨可以話係 "排山倒海" 咁推出,真係荷包大出血呀!


呢一篇就由 Manis 既新貨講起先啦!


布手挽袋,個袋既設計、顏色都係我鍾意既,可惜唔大唔細既 size,真係唔知要佢黎做乜好?帶飯又嫌佢太大、當出街用既袋又嫌佢太細喎..... 唯有只買一個用黎儲啦!



另一款厚身布袋,雖然呢個 size 比上面果個 size 好 d,又有拉鍊位,但係呢種藍色我就麻麻地鍾意,不過最 "驚嚇" 既位,就係袋面 Pekkle 個咀同對腳,雖然 Pekkle 個咀同對腳原裝都係黃色既,不過唔知係唔係襯係呢隻藍色上面,搞到 Pekkle 對腳同個咀仔變左好突出咁,我就唔多鍾意,我寧願佢好似袋底隻 Pekkle 咁,得個 outline 會順眼好多囉!所以呢個袋我都只係買左一個用黎儲咋!



冇乜特別既鬧鐘,不過個人覺得呢一款比 Gift Gate 今年出既款好睇 d,Gift Gate 款鬧鐘太大個,而且鐘面個訓覺 Pekkle 造型我都麻麻地。



長方形 Pekkle 証件套連頸繩



Pekkle 銀包,一個內籠設計麻麻地、質地又唔慌會襟用既銀包,都係為左儲而買!



呢個夾紙機係 Manis 近年難得推出既實用文具,其實一路都見 Sanrio 其公仔出既釘書機、萬字夾、筆刨呢 d 實用既文具,但每次總係冇 Pekkle 份,今年終於都有 Pekkle 份,出左呢個夾紙機,梗係二話不說就買左佢啦!不過買左番黎之後都仲未試用過,唸住如果好用既話,應該會買多幾個分別擺係屋企同公司用....



1 comment:

  1. 張第一個袋的PEKKLE公仔拆出黎,
    換個大SIZE袋..車返上去..
    變成獨一無二的PEKKLE袋..
    HAHHAHAA
     
    BY THE WAY, 原來你唔LIKE粉籃色的!!
    @___@

    ReplyDelete