唔知係唔係聖誕將至既關係,Pekkle 既新貨可以話係 "排山倒海" 咁推出,真係荷包大出血呀!
呢一篇就由 Manis 既新貨講起先啦!
布手挽袋,個袋既設計、顏色都係我鍾意既,可惜唔大唔細既 size,真係唔知要佢黎做乜好?帶飯又嫌佢太大、當出街用既袋又嫌佢太細喎..... 唯有只買一個用黎儲啦!
![](https://pekklehk.files.wordpress.com/2016/11/qgobhynuum7yvxtnxoslqg.jpg)
![](https://pekklehk.files.wordpress.com/2016/11/cmhi6iquwmba15tuackikq.jpg)
另一款厚身布袋,雖然呢個 size 比上面果個 size 好 d,又有拉鍊位,但係呢種藍色我就麻麻地鍾意,不過最 "驚嚇" 既位,就係袋面 Pekkle 個咀同對腳,雖然 Pekkle 個咀同對腳原裝都係黃色既,不過唔知係唔係襯係呢隻藍色上面,搞到 Pekkle 對腳同個咀仔變左好突出咁,我就唔多鍾意,我寧願佢好似袋底隻 Pekkle 咁,得個 outline 會順眼好多囉!所以呢個袋我都只係買左一個用黎儲咋!
![](https://pekklehk.files.wordpress.com/2016/11/yzjyr6mmezu2s7ukym7uug.jpg)
![](https://pekklehk.files.wordpress.com/2016/11/tehq_fldx9b55fem6wg1mw.jpg)
冇乜特別既鬧鐘,不過個人覺得呢一款比 Gift Gate 今年出既款好睇 d,Gift Gate 款鬧鐘太大個,而且鐘面個訓覺 Pekkle 造型我都麻麻地。
![](https://pekklehk.files.wordpress.com/2016/11/oalumvuegyci6q_vy6mtza.jpg)
長方形 Pekkle 証件套連頸繩
![](https://pekklehk.files.wordpress.com/2016/11/qzclywcr5tunozjpjeyrca.jpg)
![](https://pekklehk.files.wordpress.com/2016/11/p1x4jbdlx1ebeeyyurx2ka.jpg)
Pekkle 銀包,一個內籠設計麻麻地、質地又唔慌會襟用既銀包,都係為左儲而買!
![](https://pekklehk.files.wordpress.com/2016/11/ecefv6up4fgusn7ukka_lw.jpg)
呢個夾紙機係 Manis 近年難得推出既實用文具,其實一路都見 Sanrio 其公仔出既釘書機、萬字夾、筆刨呢 d 實用既文具,但每次總係冇 Pekkle 份,今年終於都有 Pekkle 份,出左呢個夾紙機,梗係二話不說就買左佢啦!不過買左番黎之後都仲未試用過,唸住如果好用既話,應該會買多幾個分別擺係屋企同公司用....
![](https://pekklehk.files.wordpress.com/2016/11/p63obs4cyc_hznennuijhg.jpg)
![](https://pekklehk.files.wordpress.com/2016/11/maspmytb7p2dmkhvf4_18g.jpg)
張第一個袋的PEKKLE公仔拆出黎,
ReplyDelete換個大SIZE袋..車返上去..
變成獨一無二的PEKKLE袋..
HAHHAHAA
BY THE WAY, 原來你唔LIKE粉籃色的!!
@___@