Pekkle 2011 年月曆

每年 8、9 月就會開始推出來年月曆、日記簿既子，估唔到係各式各樣既 Sanrio 港版 2011 年月曆之中，每一款式 Pekkle 都佔一席位，係歷年之冠！睇黎 Pekkle fans 既影響力都真係唔少喎！

〔一〕掛曆，係我印象之中，呢個應該係第一個 Pekkle 出既正版掛曆！

〔二〕座檯月曆

〔三〕迷你掛曆，呢個亦都係我印象之中，第一次有 Pekkle 份！

〔四〕適逢今年係 Sanrio 既 50 周年紀念，所以除左上述 Pekkle 既月曆款式之外，仲有最新推出既 Sanrio 50 周年紀錄版座檯月曆，見有 Pekkle 份，仲好比面咁用左 Pekkle 做 4 月之星，梗要買番個捧場啦！

雖然今年一共出左 4 款 Pekkle 既月曆，但每款都有佢唔同既 design，間中當然都有 d 大同小異，不過總體上覺得今年 Daniel & Co. 既 design team 好有誠意，因為 Pekkle 既造型特別、主題細緻、用色鮮明，比以前 Pekkle 來來去去都係果幾個造型同 post 真係有好大既突破！好抵讚，值得加分！！

要知道消費者同 design 既人才，係供同求既關係，只要令到消費者對產品愛不釋手，就會直接刺激銷量。所以 design 既人才就要力求進步，切合消費者既期望，有成績就係對成功 design 既肯定！希望佢地將來推出 Pekkle 既產品，會繼續大膽創新，帶比我地一眾 Pekkle fans 更大既驚喜！