Pekkle 手信

唔經唔覺，正月都過左十五日，做學生既應該都開哂學；做野既應該都開哂工喇？友人趁農曆新年假外遊返港，帶來意想不到既手信...

當拆開呢份禮物既時候，真係驚訝到 O 哂咀，雖然都知應該係老翻，但係點都估唔到係呢個地方，都會有 Pekkle 既蹤影囉...

Pekkle 電子膠錶〔外殼〕...

Pekkle 電子膠錶〔內籠〕...

呢隻膠錶價值兩萬大元，我姑且唔講貨幣單位係乜，就作為係今日呢個牛年元宵佳節，比大家動動腦筋既機會，當係猜『燈謎』咁猜啦！ 唔知大家又估唔估到折合左港幣大概係幾多錢呢？〔事先聲明：估中都唔會有獎嫁！〕

趁依家都仲係元宵佳節，係呢度衷心祝送呢隻手錶比我既人同埋大家永遠都開開心心、甜甜蜜蜜！！

*********************************************************************************************

後記〔2 月 14 號情人節〕

個燈謎既然係元宵佳節出，個謎底梗係要係情人節揭盅啦！ 答案我唸無人會估得到，就係越南呀！呢隻錶價值兩萬越南盾，即係折合港幣九蚊都唔洗呀！！係唔係好抵呢？

祝各位情人節快樂！！