正如觀塘麗港城商場一樣,因為 Pekkle 嘅關係,令我首次踏足沙田銀禧薈... 當日天氣非常熱,雖然由火車站往銀禧薈嘅路程唔遠,我估大約兩、三分鐘左右,不過由於沿途都係冇有蓋行人路嘅關係,喺正午烈日當空之下,兩、三分鐘路程足以令我熱到溶... 不過為咗 Pekkle,無計啦!
萬萬估唔到,Pekkle 嘅擺設竟然喺室外,行到咁熱,仲唸住入商場涼下冷氣,可惜事與願違...
呢個場係平版擺設。睇唔出個擺設主題係乜,總之就有我至愛嘅 Pekkle 同佢嘅女友仔 Ruby 啦!
正所謂『夏日炎炎正好眠』... 仲要將 Pekkle 擺喺戶外地方,好難唔攰到想瞓囉!
反而 Ruby 就好精神奕奕喎...
睇商場嘅『格局』,相信沙田銀禧薈並唔係置富旗下嘅重點商場,不過新界區嘅商場似乎係置富 Malls 今次推廣活動嘅主力地區,所以喺八個有 Pekkle 擺設嘅商場之中,新界區就佔左四個,而呢個四個之中,三個係放置咗立體擺設,今次置富都真係落重本!
No comments:
Post a Comment