當日活動同上一次一樣，都係正午十二點開始，經過上次嘅經驗，今次要再早啲去先得，如果唔係，商場職員截龍冇得換嘅話，真係喊都無謂呀！
今次如常係去馬鞍山廣場換領，比上次仲要早咗半小時，十點已經到達，點知都同上次一樣，排喺二、三十位之間，當場聽聞排頭位嘅女士，係當日早上八點已經到達... 提早成四個鐘去排隊？唔係買樓，又唔係名校派報名表喎，唔洗咁癲呀？
成功換到兩個，超開心！
咁靚沙灘帳篷，邊捨得拎去沙灘用呀？用完咪成個都係沙？咪搞我，都係純粹用嚟收藏好啲。
一張睇極都睇唔明嘅說明書，結果我都係憑自己亂整之下，摺番落個袋入面咋...
又係未到十二點，商場職員已經截龍喇！七十五個，好快又換哂！
置富 Malls 呢兩個限量換購精品，襯番哂暑假去沙灘嘅『必需品』，如果可以加埋呢張 Pekkle 沙灘椅，大家又點睇呢？會唔會覺得帶住『Pekkle 三寶』去沙灘玩，更加完美呢？^^
http://www.pekkle.hk/2008/01/pekkle_1.html
No comments:
Post a Comment