![(big grin)](http://l.yimg.com/op/blog/images/emoticon/4.gif)
我當時個心的確係咁樣唸...不過呢個世界,好多嘢往往都係事與願違... 唉...
![(sigh)](http://l.yimg.com/op/blog/images/emoticon/46.gif)
根據我第一期第一次換公仔就已經可以換到兩個『啫喱 Pekkle』嘅佳績去估計,我真係天真到以為自己嘅運氣〔又或者我同 Pekkle 嘅緣份〕可以一直咁 keep 住... 可惜,呢個星期我一共換咗七隻公仔,結果都係強差人意,唔單只換唔到『朱古力 Pekkle』,換到嘅公仔仲要係重複得好緊要添喎...
![(crying)](http://l.yimg.com/op/blog/images/emoticon/20.gif)
七個公仔之中,竟然有四個都係重複嘅!!!我已經係喺唔同嘅 7-11 換,結果都係咁... 咩事呀?唔通依家只係出咗布甸狗嘅款?!唉... 咁就冇左 112 個印花喇!好心痛呀!
![(broken heart)](http://l.yimg.com/op/blog/images/emoticon/12.gif)
![](https://pekklehk.files.wordpress.com/2016/11/yjfjqxeisgw_tfhawich1a.jpg)
截止今日,我手頭上仲有 11 張貼滿咗嘅印花卡,另外再加 14 個印花,即係一共有 190 個印花可以換... 由於上星期遭遇到『滑鐵盧』,呢個『打擊』對我嚟講,都實在係太大,搞到我依家有少少換公仔恐懼症,都唔知應該點換先啱... 因為每個印花都真係要『辛苦經營』先可以儲得到,搣開每個印花都『有血有汗』嫁嘛!所以,就算唔可以第一次就比我換到 Pekkle,都唔好要我重複四個布甸狗咁慘情啦!依家真係發夢都會見到布甸狗囉...
![(devil)](http://l.yimg.com/op/blog/images/emoticon/19.gif)
![](https://pekklehk.files.wordpress.com/2016/11/ggpirywfvccnplpnc425-g.jpg)
睇嚟我同 Pekkle 都真係唔係幾夠緣份
![(hypnotized)](http://l.yimg.com/op/blog/images/emoticon/43.gif)
![(sad)](http://l.yimg.com/op/blog/images/emoticon/2.gif)
![](https://pekklehk.files.wordpress.com/2016/11/dgcd07mqfxaan3y1fyaugq.jpg)
希望所有 Pekkle fans 都可以快 d 換到『朱古力 Pekkle』啦!
![(day dreaming)](http://l.yimg.com/op/blog/images/emoticon/105.gif)
No comments:
Post a Comment