Ahiru no Pekkle 2018 全新嬰兒用品系列

9 月中左右知道一田會優先發售全新 Pekkle 嬰兒用品，全個系列有六款唔同嘅用品。未有小朋友嘅我，都忍唔住好想買。不過，亦都因為冇小朋友嘅關係，一心只係唸住買紗巾就算，點知喺一田網站優先預訂嘅 Pekkle 用品，全線火速售罄！咁唯有等 9 月尾『一田百貨 Super Baby 嬰兒用品展』時先買啦！

24/9 開始嘅 BB 用品展，我第二日已經去搵，可惜 Pekkle 嘅紗巾已經全部掃光，問咗店員話已訂貨，但係又唔知幾時會番貨，咁唯有周圍搵啦...




去到只係見到帽仔、手套仔同埋衫仔型口水肩，其餘包括背脊汗巾、圍兜同埋我最想買嘅紗巾，就已經賣哂喇。反而蛋黃哥同埋 My Melody 嘅系列，各類貨品就相當齊全。



好彩，最終喺呢個國慶假期比我喺荃灣一田買到喇！



相信一田真係有再訂過貨，因為之後去其他一田，都見到貨源相當充足~