Pekkle PVC 筆袋連朱古力手指餅乾

好彩有 FB FANS 報料，先知七仔又有新搞作...
 
今次呢個 PVC 筆袋連朱古力手指餅乾冇上次副啤牌咁難買，一去到七仔已經見到，仲要有三個添，$20 一個又唔係貴，所以一次過就掃哂三個！😎

初初仲以為好似『幸運小鐵盒系列曲奇餅』嗰個盒咁，入面有唔同款嘅閃卡，要集齊一套就麻煩喇！好彩今次係同對上一次同系列嘅糖果盒一樣，只係隨盒附送貼紙一張，張張一樣款，唔需要周圍撲貨，務求要集齊一套為止。

由上而下，PVC 筆袋、貼紙一張、朱古力手指餅乾一包。$20 一套，超值價！