Sanrio characters 賀年禮盒 - 牛油朱古力曲奇

印象之中，今次應該係第一次有 Pekkle 出現喺 Sanrio characters 系列嘅賀年禮盒，好開心呀！離遠已經被擺喺貨架上嘅 Pekkle 吸引住... 😁

禮盒正面


禮盒背面

禮盒四邊嘅公仔...





唔知點解呢個 Sanrio characters 系列嘅 Pekkle，兩邊咀角總係『埋口』，而唔係傳統上嘅『開口』，感覺上 Pekkle 個樣冇咁得意、冇咁靚，同埋有啲老翻味... 不過咁難得 Pekkle 可以出現喺禮盒，又咁抵買，唔買唔只對唔住 Pekkle，仲好對唔住自己囉！



盒內一共有兩排，每排十片獨立包裝嘅牛油朱古力曲奇，雖然未知個味道如何，不過外觀上就好整齊、企理，起碼唔會令人有『倒胃口』、唔想食嘅感覺囉。



零售價都咁平，批發價可想而知... 心水清嘅你，大概都應該估到，呢盒曲奇嘅產地係邊度啦？😜