Sanrio characters 1000 塊仿水晶透明砌圖

家人從日本帶嚟嘅手信，雖然已經係 2014 年嘅產物，但係好難得 Made in Japan 嘅精品仍然會預埋 Pekkle.... 其實好耐之前，征服都曾經入過貨，不過當年我嫌定價太貴，所以冇買到，難得今次『誤打誤撞』咁比我家人搵到呢盒 1000 塊嘅砌圖送比我，睇嚟我同呢副砌圖都幾有緣。

我覺得幅砌圖嘅構圖好靚，就好似教堂嘅彩繪玻璃窗一樣，再加上砌圖本身係有透明嘅效果，如果錶喺一個前後都係透明嘅框上，通過光線去睇，一定會更加靚。