Sanrio Gift Gate 2012 - 2013 年度入會禮物

每年既七至八月，都係 Sanrio Gift Gate 招收會員既日子，因為 Pekkle 都有一排冇乜新產品推出，仲唸緊今年好唔好續會，不過係七、八月 Pekkle 又一口氣推出左好多新產品，再加上見到 Sanrio Gift Gate 今年既入會禮物都幾靚，所以結果都係續左會。

好難得今年既會員卡主題係以六位卡通人物為主角，只可惜都係冇 Pekkle 份，記得之前我都已經 send 過 email 比 Sanrio Gift Gate，提議佢地既會員卡加上 Pekkle，相信會有助增加會員數目，不過可能我人微言輕啦，連續幾年 Sanrio Gift Gate 既會員卡都係冇 Pekkle 份，唔知仲要等多幾多年，先可以見到 Pekkle 再次出現係 Sanrio Gift Gate 既會員卡上面呢？

由於今年既主題係六位卡通人物，所以入會禮物都係以六位卡通人物為主，而份禮物就係全套都入得微波爐既瓷杯連矽膠杯蓋、隔熱杯套套裝。

以陶瓷杯黎講，呢個杯既手工都算係唔錯嫁喇，而且成套都入得微波爐，真係好方便喎！如果係杯上面都印有 Pekkle，就更加完美喇！