Thursday, January 13, 2011

Pekkle 投射器鎖匙扣

估唔到我最期待既 Pekkle 新貨 -- 投射器鎖匙扣,咁快就推出左!!見到實物真係忍唔到手,連投射出黎既公仔係乜樣都唔知,就二話不說買左兩個先!



呢個係馬戲團造型既 Pekkle,都算係新 look... 仲有個大星星扣,好靚呀! 圓形係鎖匙套、長方形係投射器加迷你電筒!


個匙套又係有同一個問題,就係個套太細,套唔入門匙,就算套 d 櫃桶匙、信箱之類既細 size 鎖匙,都會因為套入面個匙圈問題,令到個匙套凸起哂,好肉酸...  所以個匙套都只可以當係裝飾品,冇實際作用!



背面都唔差嫁,印左 Pekkle 個全名!



拉出白色既部份就係迷你電筒,拍番埋去就會變番投射器!好細心呀!



睇下個投影,好得意呀!Pekkle 做緊馬戲表演呀!個投射影像仲有埋 Pekkle 既全名嫁!!正!


黎多張,清楚 d 既....



依家已經急不及待即刻拆左一個黎用喇!間唔時仲要按下個投射出黎睇下添....


No comments:

Post a Comment