老貓燒鬚.....

又再証明，一時衝動做既決定，往往都真係會出錯嫁.....

知唔知下面兩幅相之中，左右兩件既物件究竟有咩不同之處呢？

等我開估喇.... 答案係無分別，完全一樣嫁！

11 月初，正當我滿心歡喜咁係沙田用 $78 買左其中一盒時，上星期六行經圓墩圍一間精品店時，發現一模一樣既 Pekkle 電話繩，並赫然發現盒上面貼住個價錢牌...... HK$41.99...... 噢！真係如當頭捧喝，拎住盒電話繩呆左.... 老闆娘見我拎住，以為我好鍾意，落足咀頭講：買兩個計你 HK$80 啦！..... 我好無奈咁回應：我只係鍾意 Pekkle 呢個公仔咋喎，買兩個仲咩呢？.... 老闆娘鎖定左我為佢既目標，繼續游說：咁啦！買一個都平比你啦！四十一蚊喇！買啦！好靚嫁！見你咁〝愛不借手〞先平比你咋.....  唉，終於都忍唔住買多一個.... 反正之前都計劃去沙田再買多一個，阿 Q 咁同自己講，都平左三十幾蚊啦！唔洗咁 down 既，咪當買股票咁溝貨囉....

之後，拖著落寞既身驅，沿住運動場行出去大河道準備搭車，經過路德圍一間精品店，唔睇由自可，一睇！櫥窗又有呢條電話繩賣.... 個價錢牌竟然係標明..... HK$39.9.......

天呀！唔洗咁玩我下化？只係差幾條街... 五分鐘既路程都唔洗.... 竟然... 竟然都可以再平兩蚊？！唉，枉我仲號稱係家中既〝格價專家〞.......今次真係老貓燒鬚呀~~