2007年第一個八號風球 -- 帕布

2007年8月10日〔星期五〕一個突如其來既八號風球，打亂左我既安排，相信都打亂左好多人既安排。

上晝七點幾先掛起一號波，仲未到食晏既時候，已經改掛左三號風球。岩岩坐低食緊飯既時候，就接到家人、朋友既電話，話天文台宣佈 3:30p.m 前會改掛八號風球！！2:00p.m. 係回 office 既路途中，已經見到好多同事匆忙咁向住火車站方向離開。心唸：唔洗咁有效率下嘛？點知番到 office，都未開始完成第一件工作，天文台已經宣佈改掛八號風球，原本仲想係 office 留多一陣做下野既，點知老細行出黎我個位兩次，起勢咁催我離開，迫於無奈底下，唯有離開啦！番到屋企先 4:00p.m.。唸住可以小睡片刻、休息一下既，點知係八號風球既日子底下，我家姐一家三口，依然係〝不辭勞苦〞咁山長水遠入黎我屋企食飯！不過都難怪既，八號風球對我住果區黎講，可以話係全無影響！！唔單只對出海面風平浪靜，完全冇白頭浪，連雨勢都細到可以唔洗開遮！更加冇狂風啦！！

一個額外既半日假期，就係咁樣浪費左 lu~