Pekkle 廁所刷

第一次見到呢個產品係 blog 友 Pekkle08 post 出黎既，都已經係農曆新年前既事 lu... 初時見到係 Daniel & Co. 既出品，一廂情願地以為 Gift Gate 一定有得賣啦... 點知問左好多間 Gift Gate，佢地唔單只冇得賣，仲連聽都未聽過有廁所刷呢樣野添....  其中有 d sales 仲要露出一臉驚訝同狐疑既神色，就好似覺得我係 "白撞" 咁.... 我直情要講埋：你地公司係 Daniel & Co. 嘛？件貨係印左呢間公司名嫁喎..... 佢地先答我：我地冇得賣！

係 Gift Gate 搵極都搵唔到，唯有退而求其次去普通既精品店睇下啦，點知行左好多唔同區既精品店，可能因為我靠自己搵，冇開口問人啦，所以一路都搵唔到呢樣新貨，只係曾經係一個舊式屋村既精品店先見過，但係標價要 $60，所以最後都係去番征服世界買〔當然唔係吹生間分店啦！〕...

好明顯呢樣係一件 "不折不扣" 既 OEM 產品，雖然係咁，我都一樣覺得幾靚嫁喎.... 可能就係因為 Pekkle 既關係卦？

一個最 "經典"、最普通既造型，但係貼左係呢個廁所刷上面，又出奇地幾襯咁喎！〔絕對係冇任何貶意嫁！！〕

明明就係 Daniel & Co. 既 product tag，一向如是嫁喇... 化左灰都認得出....  奈何自己既專門店 Gift Gate 反而就冇得賣添... 搔哂頭呀...

Pekkle 保溫杯

係農曆新年前已經出左既 Pekkle 保溫杯，我係岩岩先買到，原因係 Gift Gate 長期缺貨，唔係冇大 size、就係冇細 size，好唔容易終於都比我係同一間 Gift Gate 買齊兩款....

所謂既大 size 既保溫杯〔350ml〕

其實 size 係大好過細，起碼唔洗成日行去斟水嘛.... 但係兩款藍之中，我又比較喜歡深藍....

而最大既問題就係個公仔 pattern 喇！我唔鍾意呢 d "反白" 既 pattern，搞到 Pekkle 好似 "幽靈" 咁.... 超唔鍾意.....

細 size 既保溫杯〔280ml〕

呢個盒係『說明書』果邊都印左隻 Pekkle 嫁！買時 Gift Gate 個 sales 想比個爛左既盒我，係我強烈要求之下，佢都肯換番個完整既比我，但係個盒蓋都係有 d 摺痕... 皺左既....

呢款杯雖然前後既造型係一樣，冇乜新意，但係勝在兩個 Pekkle 都係上左色，唔係好似大 size 果個咁樣 "底片反白" 既效果，而且呢隻深藍色我都比較喜歡，唯一美中不足既地方就係個杯太細喇！要成日行去水機斟水都幾麻煩....

原本唸住買多一隻細 size 放係 office 用，可惜又係因為冇貨既關係買唔到... 即係新年假後，都冇得帶隻新杯番 office 用！

就如可愛小 win win 同 Pekklebaby 話齋，呢隻保溫杯既質素其實真係麻麻地，細看之下，就知道手工都幾拙劣，好懷疑個保溫功能有冇效囉！不過睇在 Pekkle 份上，點都會買番兩隻支持下既....

Sanrio 50th Crystal Charms - 第十二週戰績

2 月 22 日，三條 2 既日子，就係 7-11 派發 Sanrio 50th Crystal Charms 印花既最後一日喇！係呢 12 個星期入面，我都已經計唔清自己究竟用左幾多錢去『參與』呢個推廣活動.... 只係覺得，係首兩個月既日子入面，日日夜夜進出唔同既 7-11，仲勤力過番工，番工都仲有錢賺，依家就反而送埋錢比佢地洗，就好似貼錢打工一樣....

有一樣野係我上一篇 blog 怪錯左佢地既，我以為 7-11 回收哂市面上既吊飾，再根據訂貨數量分發唔同既店舖，原來我係錯既..... 因為係剛過去既週末，我係好多間 7-11 都可以換到水晶吊飾，連一 d 之前問過話換哂既店舖，都再有新貨補充，咁我梗係唔執輸啦！話哂我都仲有成十幾個未換嫁嘛.... 所以係唔同既分店一共換左 14 個吊飾... 收穫如下：

都仲係有好多重覆呀！不過叫做好彩大部分都係第二階段既吊飾，起碼叫做有 d 新款望下啦.... 我好驚再抽到 Cherry Chum 呀！

一輪 "換吊飾" 行動過後，依家手頭上只係剩番四張印花卡未換，而其中呢三張印花卡呢.... 拎左出黎都有兩次喇，但係每次到『最後關頭』我都係收番.... 好唔捨得呀！ 不過，正所謂『賣仔莫摸頭』... 可能要拖到換領 "死線" 1/3/2011 時，我就會合埋雙眼、恨下心腸，換埋呢三張印花卡嫁喇....

Sanrio 50th Crystal Charms - 第十一週戰績

七、十一搞既 Sanrio 50th Crystal Charms 換購推廣已經進入倒數階段喇！只怪我當初太過老定，以為仲有大把存貨，所以拖到遲一遲都仲未去換，唸住趁週末行勻港九新界各地既七、十一換，以免太多重複..... 結果係點？咪處處都冇現貨囉，依家手上咪拎住過百個印花，睇黎都係要登記換購嫁喇！

係上個星期一、二，都仲有零星既七、十一有現貨，所以都換到 5 個吊飾....

除左 Pekkle 之外，我最想要既就係 TuxedoSam，因為佢係 Pekkle 未出世之前，我最愛既 Sanrio character，估唔到仲易抽過 Pekkle，一次過就抽中兩個，算有交代 lu....

其實 Pekkle 同 TuxedoSam 都有好多相似既地方，例如大家都係以藍、白為主色、大家係係肥肥矮矮、一隻係企鵝、一隻係鴨仔，大家都算係水、陸兩宜既 "兩棲動物"...  可想而知，咁多年以黎，我既 "口味" 都係冇乜大改變，幾咁 "專一"....   不過.... 當我將 Pekkle 同 TuxedoSam 既吊飾擺埋一齊既時候，橫睇掂睇都係覺得 Pekkle 得意好多喎.... 唔通我都係個 "貪新忘舊" 既人？

依家我已經擁有 5 個 Pekkle charms，算係超額完成！希望餘下落黎既 charms 會換到多 d 唔同既公仔，不過就算再換到既都係 Pekkle，我一樣唔會 mind 嫁.... 

我覺得其實仲有好多七、十一係有存貨剩，只係七、十一既總公司有計劃地回收所有派剩既吊飾，再根據各店既訂購數量，將吊飾平均分配比唔同既店舖，以提高成本效益.... 咁樣做法唔係唔好，起碼唔洗資源錯配、做成浪費，但係依家距離活動結束都仲有兩個星期，唔洗咁快回收呀？！訂貨又要 3 月先有，真係會令到我地一班顧客等到頸都長埋嫁嘛！如果我既估計係冇錯既話，好心就檢討下呢個做法啦！反正訂貨既人，都要一個月之後先可以拎，遲 d 回收都唔係問題姐....

Sanrio 50th Crystal Charms - 第十週戰績

眨下眼，七十一呢個 Sanrio 50th Crystal Charms 換購推廣已經去到第十週，仲有剩番唔夠廿一日既時間，就會圓滿結束。由於農曆新年特別版已經係一日之內火速換罄，所以係農曆年假期間，我只可以用餘下既印花，去換取普通版既吊飾。收穫如下：

估唔到 5 個吊飾之中，竟然仲有 2 個係第一階段既公仔，而且其中一個仲要係我之前抽到 N 咁多個既 Cherry Chums.... 唔通今年係兔年，所以連 Cherry Chums 都特別多？！

係唔係計錯數呢？又話抽左 5 個？點解張相得 4 個既？原因好簡單，因為剩番果個就係我既至愛 Pekkle 嘛！ 梗係要 "隆重其事"，比 d "單人相" 佢啦！呢個 Pekkle 仲要係 "高清無瑕" 版添！  對比起 d 不知名既騎呢公仔，我又唔 mind 抽多幾個都係 Pekkle 呀！

依家我一共就有 4 個 Pekkle crystal charms，包括：2 個以 15 個印花抽中，1 個係以 $128 買番黎，餘下既一個就係我哥買番黎送比我既！

睇黎，兔年新開始，我既運氣都唔錯喎！先有換三個中三款既農曆新年版吊飾，依家轉番換普通又即刻比我抽多左一隻 Pekkle！！希望呢 d 運氣可以繼續落去，全年都好好運、萬事都順順利利....

依家手頭上都仲有十一、二張貼滿印花既印花卡未換，希望可以再換到我想要既公仔吊飾喇！記住喇，換購行動已經接近尾聲，如果大家手上仲有印花既話就記得去換啦！唔係過左期冇得換既話，盞益哂七十一嫁咋！