Wednesday, November 24, 2010

Sanrio 50 周年扭蛋

Sanrio 50 周年確係一件大事,紀念精品排山倒海咁樣推出,就連扭蛋都有 Sanrio 50 周年份呀!


一共有兩款:



第一款:膠手帶



中間個膠公仔係可以拆出黎,如果扭左 6 個公仔,可以將所有扣埋係同一條手帶上面戴都 ok 嫁!



一彈二十款,可惜冇 Pekkle 份...



第二款:手機吊飾


可能我平時少玩扭彈,唔好笑我大鄉里,我覺得呢款 "蛋殼" 好新穎,開 "彈殼" 唔係扭,而係有個扣扣住,好保險咁!再加上個 "蛋殼" 係磨沙面,仲有個 sticker 封口,包保扭蛋場既 staff 唔可以 "偷龍轉鳳",收起哂 d 特別公仔拎出去賣,所以我比較鍾意呢款扭蛋公仔,而且手工都較膠手帶精細,雖然唔係 Made in Japan,起碼都唔係 Made in China 先嘛!



可惜既係,呢款扭蛋全七款,不過一樣都係冇 Pekkle....  



其實呢款扭蛋既手工都幾好,就算冇 Pekkle 份,我都幾鍾意,尤其係隻 TuxedoSam 添!希望下次有機會可以扭得到啦!



唔知大家有冇留意到呢 d 扭蛋機呢?又唔知仲有冇其他款式呢?希望終有一款扭蛋係有 Pekkle 份啦!!


Monday, November 15, 2010

Manis 2010 Pekkle 新貨

唔知係唔係聖誕將至既關係,Pekkle 既新貨可以話係 "排山倒海" 咁推出,真係荷包大出血呀!


呢一篇就由 Manis 既新貨講起先啦!


布手挽袋,個袋既設計、顏色都係我鍾意既,可惜唔大唔細既 size,真係唔知要佢黎做乜好?帶飯又嫌佢太大、當出街用既袋又嫌佢太細喎..... 唯有只買一個用黎儲啦!



另一款厚身布袋,雖然呢個 size 比上面果個 size 好 d,又有拉鍊位,但係呢種藍色我就麻麻地鍾意,不過最 "驚嚇" 既位,就係袋面 Pekkle 個咀同對腳,雖然 Pekkle 個咀同對腳原裝都係黃色既,不過唔知係唔係襯係呢隻藍色上面,搞到 Pekkle 對腳同個咀仔變左好突出咁,我就唔多鍾意,我寧願佢好似袋底隻 Pekkle 咁,得個 outline 會順眼好多囉!所以呢個袋我都只係買左一個用黎儲咋!



冇乜特別既鬧鐘,不過個人覺得呢一款比 Gift Gate 今年出既款好睇 d,Gift Gate 款鬧鐘太大個,而且鐘面個訓覺 Pekkle 造型我都麻麻地。



長方形 Pekkle 証件套連頸繩



Pekkle 銀包,一個內籠設計麻麻地、質地又唔慌會襟用既銀包,都係為左儲而買!



呢個夾紙機係 Manis 近年難得推出既實用文具,其實一路都見 Sanrio 其公仔出既釘書機、萬字夾、筆刨呢 d 實用既文具,但每次總係冇 Pekkle 份,今年終於都有 Pekkle 份,出左呢個夾紙機,梗係二話不說就買左佢啦!不過買左番黎之後都仲未試用過,唸住如果好用既話,應該會買多幾個分別擺係屋企同公司用....



Wednesday, November 10, 2010

Pekkle 花紙

係越來越多人重視 "環保" 呢個 topic 之下,簡約包裝已經係一個大趨勢,估唔到 Pekkle 都仲會有新款既花紙推出,咁難得,唔用都要買黎儲下啦!


呢款花紙係 Manis 今年推出既 pattern,係唔係覺得熟口熟面呢?梗係啦!Postage Pekkle 係 Ellon 今年幫 Pekkle 搞既主題.... 點解咁講?你睇落去就會明喇.....



我估大家都買左呢 set 大、細網袋同縮骨遮啦?有冇留意呢幾樣 products,其實全部都係出自一個 postage Pekkle 既系列嫁?如果 Post Office 出真既 Pekkle 郵票,就更加完美啦!



除左上述呢款 2010 年既 Pekkle 花紙之外,搵下搵下,發現自己都儲左好幾款 Pekkle 牆紙,就 upload 上黎同大家 share.... 又睇下有冇邊位 Pekkle fans 係擁有其他花紙款式啦!


首先係兩款老翻既 Pekkle 花紙


透明款,出產年份不詳



彩格款,出產年份不詳



原裝正版,香港貨。


2001 年既出品



2002 年既出品



2007 年既出品



唔講唔知,係香港三個出產 Sanrio 精品既 official dealers 之中,過去咁多年以黎,好似就只係得 Ellon 一間會幫 Pekkle 出花紙。希望 Gift Gate 同 Trendyland 都會考慮下,設計新款既 Pekkle 花紙啦!


Sanrio 50 周年港版產物

最近,Daniel & Co. 唔知係唔係見日本 Sanrio 為慶祝佢地 50 周年紀念而設計既 "icon" 好受歡迎呢?所以佢地以 "原汁原味"、"不經刪剪" 既情況底下,用 Sanrio 50 周年既 "icon" 推出左唔少港版產物!


除左之前已經出左既座檯月曆之外:



最近仲推出另外既產品:


大、細 size note book,封面同封底其實都有 d 唔同,不過個主題都係一樣.....



大 size note book 內頁....



又有飛天 Pekkle 係每頁既右上角嫁!



呢本係細 size note book 既內頁,驟眼睇,以為係冇 Pekkle.....



原來都有既... 嚇得我呃.....



為左拎第二彈既吊飾,結果都係要係 Gift Gate 買番之前提過,話質素麻麻地既毛巾... 唯一既好處係叫做 product from Japan 囉!勉強都叫做有 d "可取之處" 啦!



係 Gift Gate 見到有張 catalogue 貼左出黎,遲 d 仲會以呢個 50 周年既名堂,推出數款貼紙同 A4 folder。記得我地一班 Pekkle fans 係冇幾耐之前,先讚過 Daniel & Co. 今年既 design 好有 heart,可惜就比呢個系列拖垮左,相信呢個系列都算係佢地近期『最慳水慳力』之作.....


P.S. 各位 Pekkle fans 請留意,Gift Gate 已經開始將 d 月曆、掛曆、日記簿,呢類有時間限制既貨品以八折減價速銷,未入貨既係時候入啦!而已經入左貨既,可以等佢個 "價位" 再調低時,先趁低吸納 "溝下貨" !所以,大家都要密切留意個 "市價" 喇!